తనువు నడవి జేసి తనలోనె కూర్చుండి
తపము చేయలేని తపసు లెల్ల
అడవి యందు జేరి అలజడి పడెదరు
విశ్వదాభిరామ వినురవేమ//
తనువు లస్థిరమని ధనము లస్థిరమని
తెలుపగలడు తాను తెలియలేడు
చెప్పవచ్చు పనులు చేయుట కష్టమౌ
తపము చేయలేని తపసు లెల్ల
అడవి యందు జేరి అలజడి పడెదరు
విశ్వదాభిరామ వినురవేమ//
తనువు లస్థిరమని ధనము లస్థిరమని
తెలుపగలడు తాను తెలియలేడు
చెప్పవచ్చు పనులు చేయుట కష్టమౌ
విశ్వదాభిరామ వినురవేమ//
తరువ తరువ బుట్టు తరువున ననలంబు
తరువ తరువ బుట్టు దధిని వెన్న
తలప తలప బుట్టు తనువున తత్వంబు
విశ్వదాభిరామ వినురవేమ //
తప్పులెన్నువారు తండోపతండంబు
ఉర్విజనుల కెల్ల నుండు తప్పు
తప్పులెన్నువారు తమ తప్పులెరుగరు
విశ్వదాభిరామ వినురవేమ //
తల్లి గర్భమందు తాబుట్టినప్పుడు
మొదలు బట్ట లేదు తుదను లేదు
నడుమ బట్ట గట్ట నగుబాటు గాదొకో
విశ్వదాభిరామ వినురవేమ //
తల్లి దండ్రి మీద దయలేని పుత్రుండు
పుట్ట నేమి వాడు గిట్టనేమి
పుట్టలోని చెదలు పుట్టదా గిట్టదా
విశ్వదాభిరామ వినురవేమ //
No comments:
Post a Comment