ఓగు నోగు మెచ్చు నొనరంగ నజ్ఞాని

ఓగు నోగు మెచ్చు నొనరంగ నజ్ఞాని
భావమిచ్చి మెచ్చు పరమలుబ్ధు
పంది బురదమెచ్చు పన్నీరు మెచ్చునా
విశ్వదాభిరామ వినురవేమ //

ఓర్పులేని భార్య యున్న ఫలంబేమి
బుద్ధిలేని బిడ్డ పుట్టి యేమి
సద్గుణంబు లేని చదువది యేలరా
విశ్వదాభిరామ వినురవేమ //

కంకుభట్టనంగ కాషాయములు గట్టి
కొలిచె ధర్మరాజు కోరి విరటు
కాలకర్మగతులు కనిపెట్టవలెనయా
విశ్వదాభిరామ వినురవేమ //

కట్టెయందు నిప్పు గానని చందాన
తనువునందు నాత్మ దగిలియుండు
మరుగు దెలిపి పిదప మార్కొన వలెనయా
విశ్వదాభిరామ వినురవేమ //

కడక నఖిలమునకు నడినాళ మందున్న
వేగుచుక్క వంటి వెలుగు దిక్కు
వెలుగుకన్న దిక్కు వేరెవరున్నారు
విశ్వదాభిరామ వినురవేమ //

కనక పర్వతమున కాపురంబుండిన
అనిమిషేశ్వరునకు ఆస పోదు
కనక కుండలములు కర్ణుడి అడుగడా
విశ్వగాభిరామ వినురవేమ //

ఎలుక తోలు తెచ్చి ఏడాది వుతికినా

ఎలుక తోలు తెచ్చి ఏడాది ఉతికిన
నలుపు నలుపె కాని తెలుపు రాదు
కొయ్య బొమ్మ దెచ్చి కొట్టిన పలుకునా
విశ్వదాభిరామ వినురవేమ //

ఏమి గొంచు వచ్చె ఏమి తాగొనిపోవు
పుట్టువేళ నరుడు గిట్టువేళ
ధనము లెచటి కేగు తానేగు నెచటికి
విశ్వదాభిరామ వినురవేమ //

ఏరుదాటి మెట్టకేగిన పురుషుడు
పుట్టి సరుకు గొనకపోయునట్లు
యోగపురుషు డేల యొడలు పాటించురా
విశ్వదాభిరామ వినురవేమ //

ఐకమత్యమొక్క టావశక్యం బెప్డు
దాని బలిమి నెంత యైనకూడు
గడ్డి వెంటి బెట్ట కట్టదా యేనుంగు
విశ్వదాభిరామ వినురవేమ //

ఒడలు బూది బూసి జడలు ధరించిన
ఒడయడైన ముక్తి బడయలేడు
తడక బిర్రుబెట్ట తలుపుతో సరియౌనె
విశ్వదాభిరామ వినురవేమ //

ఒడ్డు పొడుగు గలిగి గడ్డంబు పొడుగైన
దానగుణము లేక దాత యగునె
ఎనుము గొప్పదైన ఏనుగు బోలునా
విశ్వదాభిరామ వినురవేమ //

ఎంత చదువు చదివి ఎన్ని నేర్చినగాని

ఎంత చదువు చదివి ఎన్ని నేర్చిన గాని
హీనుడవగుణంబు మానలేడు
బొగ్గు పాలుగడుగ పోవునా మలినంబు
విశ్వదాభిరామ వినురవేమ //

ఎంత సేవజేసి ఏపాటు పడినను
రాచమూక నమ్మరాదురన్న
పాముతోడి పొందు పదివేల కైనను
విశ్వదాభిరామ వినురవేమ //

ఎద్దుకైన గాని ఏడాది తెలిపిన
మాట తెలిసి నడచు మర్మమెరిగి
మొప్పె తెలియలేడు ముప్పదేండ్లకునైన
విశ్వదాభిరామ వినురవేమ //

ఎరుక కన్నను సుఖ మేలోకమున లేదు
యెరుక నెరుగ నెవని కెరుక లేదు
యెరుకసాటి యెరుక యెరుకయే తత్వంబు
విశ్వదాభిరామ వినురవేమ//

ఎరుక లేని దొరల నెన్నాళ్ళు గొలిచిన
బ్రతుకు లేదు వట్టి భ్రాంతిగాని
గొడ్డుటావు పాలు గోకితే చేపునా?
విశ్వదాభిరామ వినురవేమ //

ఎరుగువాని దెల్పనెవ్వడైనను చాలు
ఒరుల వశము గాదు ఓగుదెల్ప
ఏటి వంక దీర్ప నెవ్వరి తరమయా
విశ్వదాభిరామ వినురవేమ //

ఉత్తముని కడుపున నోగు జన్మించిన

ఉత్తముని కడుపున నోగు జన్మించిన
వాడు చెరచు వాని వంశమెల్ల
చెరకు వెన్ను బుట్టి చెరపదా తీపెల్ల
విశ్వదాభిరామ వినురవేమ //

ఉదధి లోన నీళ్ళు ఉప్పులుగా జేసి
పసిడి గల్గువాని పిసిని జేసె
బ్రహ్మదేవుచేత పదడైన చేతరా
విశ్వదాభిరామ వినురవేమ //

ఉన్న ఘనతబట్టి మన్నింతురే గాని
పిన్న పెద్ద తనము లెన్నబోరు
వాసుదేవు విడిచి వసుదేవు నెంతురా
విశ్వదాభిరామ వినురవేమ //

ఉన్నతావు వదలి ఊరూరు దిరిగిన
కన్నదేమి నరుడు గ్రాసమునకు
తన్నులోను జూడ తమమెల్ల వీడును
విశ్వదాభిరామ వినురవేమ //

ఉప్పు కప్పురంబు ఒక్క పోలికనుండు
చూడచూడ రుచులు జాడవేరు
పురుషులందు పుణ్యపురుషులు వేరయా
విశ్వదాభిరామ వినురవేమ //

ఎంగిలెంగిలనుచు ఈ నోటి తోడనే
వేదములను జదువు వెర్రులార!
ఎంచిచూడ నదియు ఎంగిలి గాదొకో
విశ్వదాభిరామ వినురవేమ //

అర్జున విషాద యోగము శ్లోకము1-5

ధృతరాష్ట్ర ఉవాచ...
ధర్మక్షేత్రే కురుక్షేత్రే సమవేతా యుయుత్సవః/
మామకాః పాండవాశ్చైవ కిమకుర్వత సంజయ//(1)

సంజయ ఉవాచ...
దృష్ట్వాతు పాండవానీకం వ్యూఢం దుర్యోధనస్తదా/
ఆచార్య ముపసంగమ్య రాజా వచనమబ్రవీత్//(2)

పశ్యైతామ్ పాండు పుత్రాణామ్ ఆచార్య మహతీం చమూమ్/
వ్యూఢాం ద్రుపదపుత్రేణ తవ శిష్యేణ ధీమాతా//(3)

అత్ర శూరా మహేష్వాసా భీమార్జున సమాయుధి/
యుయుధానో  విరాటశ్చ ద్రుపదశ్చ మహారథః//(4)

ధృష్టకేతుశ్చేకితానః కాశీరాజశ్చ వీర్యవాన్/
పురుజిత్కుంతిభోజశ్చ శైబ్యశ్చ నరపుంగవః//(5)

ఇరుకు వచ్చు వేళ

ఇరుకు వచ్చువేళ ఈశ్వరు నెంతురు
కరుణ గనునె వట్టి గాసిగాక
సుఖము వచ్చు వేళ చూడంగ నొల్లరు
విశ్వదాభిరామ వినురవేమ //

ఇల్లు నాలి విడచి ఇనుపకచ్చలు గట్టి
వంటకంబు నీటి వాంఛ లుడిగి
ఒంటినున్న యంత ఒదవునా తత్వంబు
విశ్వదాభిరామ వినురవేమ //

ఇహమున సుఖియింప హేమతారక విద్య
పరమున సుఖియింప బ్రహ్మవిద్య
కడమ విద్యలెల్ల కల్ల మూఢులకురా
విశ్వదాభిరామ వినురవేమ //

ఇహము విడువ ఫలము యింపుగ గలదని
మహిని బలుకు వారి మతము కల్ల
ఇహము లోన పరము నెసగుటగానరో
విశ్వదాభిరామ వినురవేమ //

ఈతకన్న లోతు నెంచగ పనిలేదు
చావుకన్న కీడు జగతిలేదు
గోచిపాత కంటె కొంచెంబు మరిలేదు
విశ్వదాభిరామ వినురవేమ //

ఉత్తతిత్తి దీని ఉపయోగములు లేవు
తిత్తి కొరకు జెడును దేవులాడి
కత్తిమీదిసాము కడతేర బోదయా
విశ్వదాభిరామ వినురవేమ //

ఆశకన్న దుఃఖ మతిశయంబుగ లేదు

ఆశ కన్న దుఃఖ మతిశయంబుగలేదు
చూపు నిలుపకున్న సుఖములేదు/
మనసు నిలుపకున్న మరి ముక్తిలేదయా
విశ్వదాభిరామ వినురవేమ //

ఇంచుకంత బోన మీశ్వరార్పణ మన్న
పుణ్యలోకములకు బోవు నతడు
కర్మసూక్ష్మములను కనవలె ఘనులెల్ల
విశ్వదాభిరామ వినురవేమ //

ఇంటియాలి విడిచి ఇల జారకాంతల
వెంట దిరుగువాడు వెర్రివాడు
పంటచేను విడిచి పరిగ యేరినయట్లు
 విశ్వదాభిరామ వినురవేమ //

ఇంటిలోని ధనము నిది నాది యనుచును
మంటిలోన దాచు మంకుజీవి
కొండబోడు వెంట గుల్లకాసైనను
విశ్వదాభిరామ వినురవేమ //

ఇంద్రియములు బట్టి ఈడ్చుచు నుండగా
వెర్రి మనుజుడేల వెదకు శివుని
ఇంద్రియముల రోసి ఈశుని జూడరా
విశ్వదాభిరామ వినురవేమ //

ఇనుము విరిగనేని ఇనుమారు ముమ్మారు
కాచి యతుకవచ్చు క్రమముగాను
మనసు విరిగెనేని మరి యంటనేర్చునా
విశ్వదాభిరామ వినురవేమ//

ఆత్మలోన శివుని అనువుగా శోధించి

ఆత్మలోన  శివుని అనువుగా శోధించి
నిశ్చలముగ భక్తి నిలిపెనేని
సర్వముక్తుడౌను సర్వంబు తానౌను
విశ్వదాభిరామ వినురవేమ//

ఆత్మలోని  సొమ్ము అంజనమున జూచి
అంటి తిరుగునట్టి యతడు యోగి
పుంజు గూటి నుండి పొద్దెరింగియు కూయు
విశ్వదాభిరామ వినురవేమ //

ఆత్మ శుద్ధి లేని ఆచారమదియేల
భాండ శుద్ధిలేని పాకమేల
చిత్త శుద్ధిలేని శివపూజ లేలరా
విశ్వదాభిరామ వినురవేమ //

ఆలి మాటలు విని యన్నదమ్ముల బాసి
వేరు బడెడువాడు వెర్రి వాడు
కుక్క తోకబట్టి గోదావరీదునా?
విశ్వదాభిరామ వినురవేమ //

ఆలి వంకవార లాత్మబంధువు లైరి
తల్లి వంకవారు తగినపాటి
తండ్రి వంకవారు దాయాదు లైరయా
విశ్వదాభిరామ వినురవేమ//

ఆలుసుతులు మాయ అన్నదమ్ములు మాయ
తల్లి తండ్రి మాయ తాను మాయ
తెలియ నీదు మాయ దీనిల్లు పాడాయ
విశ్వదాభిరామ వినురవేమ//

అల్పబుద్ధి వాని కధికార మిచ్చిన

అల్పబుద్ధివాని కధికార మిచ్చిన
దొడ్డలారి నెల్ల తొలగ గొట్టు
చెప్పు దిన్న కుక్క చెరకు తీపెరగువా?
విశ్వదాభిరామ వినురవేమ//

అల్పసుఖము లెల్ల నాశించి మనుజుండు
బహుళదుఃఖములను బాధపడును
పరసుఖంబు నొంది బ్రతుకంగ నేరదు
విశ్వదాభిరామ వినురవేమ//

అల్పుడెపుడు పల్కు ఆడంబరముగాను
సజ్జనుండు పల్కు చల్లగాను
కంచు మ్రోగినట్లు కనకంబు మ్రోగునా
విశ్వదాభిరామ వినురవేమ//

ఆకుమీది వ్రాత అందరికి తెలియు
చేతిలోని వ్రాత చెప్పవచ్చు
తోలుకిందివ్రాత దొడ్డవాడెరుగును
విశ్వదాభిరామ వినురవేమ//

ఆకులెల్ల దిన్న మేకపోతుల కేల
కాక పోయెనయ్య కాయసిద్ధి
లోకులెల్ల వెర్రిపోకళ్ళ బోదురు
విశ్వదాభిరామ వినురవేమ//

ఆడుదాని జూడ అర్ధంబు పొడగన్న
బ్రహ్మకైన బుట్టు రిమ్మ తెగులు
బ్రహ్మ ఆలితాడు బండి రేవున తెంచ
విశ్వదాభిరామ వినురవేమ //

అనగ ననగ రాగ

అనగ ననగ రాగ మతిశయిల్లుచునుండు
తినగ తినగ వేము తీయ నుండు
సాధనమున పనులు సమకూరు ధరలోన
విశ్వదాభిరామ వినుర వేమ//

అనువుగానిచోట అధికులమనరాదు
కొంచెముండు టెల్ల కొదువగాదు
కొండ అద్దమందుకొంచెమై యుండదా
విశ్వదాభిరామ వినురవేమ//

అన్నరసము వలన అల బిందురసమయ్యె
బిందురసము వలన బీజమయ్యె
బిందుబీజములకు భేదంబు చూడరా
విశ్వదాభిరామ వినురవేమ//

అన్ని గోసివేసి అనలంబు చల్లార్చి
గోచి బిగియ గట్టి కోపమడచి
ఆస విడిచెనేని అతడె తా యోగిరా
విశ్వదాభిరామ వినురవేమ//

అన్ని దానములను అన్నదానమెగొప్ప
కన్నవారికంటె ఘనులు లేరు
ఎన్న గురువు కంటె ఎక్కువలేరయా
విశ్వదాభిరామ వినురవేమ//

అప్పులేనివాడె అధికసంపన్నుడు
తప్పులేని వాడు ధరను లేడు
గొప్పలేని బుద్ధి గొంచెమైపోవురా
విశ్వదాభిరామ వినురవేమ//

అంతరంగమందు

అంతరంగమందు అపరాధములు జేసి
మంచివాని వలెను మనుజుడుండు
ఇతరు లెరుగకున్న ఈశ్వరుడెరుగడా
విశ్వదాభిరామ వినురవేమ//

అంతరంగమందు అభవునుద్దేశించి
నిలిపి చూడచూడ నిలుచుగాక
బాహ్యమందు శివుని భావింప నిలుచునా
విశ్వదాభిరామ వినురవేమ//

అడవి దిరుగ జిక్క దాకసమునలేదు
అవని తీర్థయాత్రలందు లేదు
ఒడలు శుద్ధిచేసి ఒడయని చూడరా
విశ్వదాభిరామ వినురవేమ//

అదిమి మనసు నిలిపి ఆనందకేళిలో
బ్రహ్మమయుడు ముక్తి బడయగోరు
జిహ్వరుచులచేత జీవుండు చెడునయా
విశ్వదాభిరామ వినురవేమ//

అధికుడైన రాజు అల్పుని చేబట్ట
వాని మాట చెల్లు వసుధ లోన
గణకు లొప్పి యున్న గవ్వలు చెల్లవా?
విశ్వదాభిరామ వినురవేమ//