అనగ ననగ రాగ

అనగ ననగ రాగ మతిశయిల్లుచునుండు
తినగ తినగ వేము తీయ నుండు
సాధనమున పనులు సమకూరు ధరలోన
విశ్వదాభిరామ వినుర వేమ//

అనువుగానిచోట అధికులమనరాదు
కొంచెముండు టెల్ల కొదువగాదు
కొండ అద్దమందుకొంచెమై యుండదా
విశ్వదాభిరామ వినురవేమ//

అన్నరసము వలన అల బిందురసమయ్యె
బిందురసము వలన బీజమయ్యె
బిందుబీజములకు భేదంబు చూడరా
విశ్వదాభిరామ వినురవేమ//

అన్ని గోసివేసి అనలంబు చల్లార్చి
గోచి బిగియ గట్టి కోపమడచి
ఆస విడిచెనేని అతడె తా యోగిరా
విశ్వదాభిరామ వినురవేమ//

అన్ని దానములను అన్నదానమెగొప్ప
కన్నవారికంటె ఘనులు లేరు
ఎన్న గురువు కంటె ఎక్కువలేరయా
విశ్వదాభిరామ వినురవేమ//

అప్పులేనివాడె అధికసంపన్నుడు
తప్పులేని వాడు ధరను లేడు
గొప్పలేని బుద్ధి గొంచెమైపోవురా
విశ్వదాభిరామ వినురవేమ//